మెగాస్టార్ చిరంజీవికి తన తనయుడు రాంచరణ్ అలవాటు ఒకటి నచ్చదు. ఆ అలవాటును మార్చుకోమని చిరు చాలా గట్టిగానే చెప్పారట. తండ్రి పదే పదే ఆ అలవాటును మార్చుకోమని చెప్పడంతో రాంచరణ్ కూడా మెల్లిగా ఆ అలవాటును మార్చుకున్నాడు. ఈ విషయాన్ని చిరు ఈ మధ్య ఓ సందర్భంలో చెప్పారు. అయితే ఇది ఇప్పటి విషయం కాదు. చరణ్ టీనేజ్ లో ఉన్నప్పటి విషయం. ఇంతకీ రాంచరణ్ కి ఉన్న ఆ అలవాటు ఏంటీ... చరణ్ గురించి చిరు చెప్పిందేంటో తెలుసుకుందాం.
''రాంచరణ్ చాలా మెచ్చుర్డ్ పర్సన్. బయటికి చూడటానికి నాటీగా అనిపించినప్పటికీ, లోపల తన ఆలోచనలు వేరుగా ఉంటాయి. వయసుకు మించిన మెచ్చుర్టీ తన ఆలోచనలో కనిపిస్తుంటుంది. కుటుంబానికి చాలా ఇంపార్టెన్స్ ఇస్తాడు. ముఖ్యంగా తనకు అమ్మ అంటే చాలా ఇష్టం. ఒక్కోసారి 'డాడీ అలా మాట్లాడకూడదు... ఇలా మాట్లాడాలి' అని నాకే చెబుతుంటాడు. కానీ ఒక్క విషయంలో మాత్రం కంట్రోల్ లో ఉండడు. చరణ్ కి షార్ట్ టెంపర్. చాలా తొందరగా కోపం తెచ్చుకుంటాడు. అది మంచిదికాదని చెప్పాను. 'తాతగారి అలవాటు నాకు వచ్చేసింది.. ఏం చెయ్యను' అని చెప్పేవాడు. అదొక్కటే చరణ్ లో నాకు కనిపించే లోపం. మిగతా విషయాల్లో తను చాలా పర్ ఫెక్ట్'' అని చెప్పారు చిరంజీవి. తండ్రి పదే పదే తన షార్ట్ టెంపర్ గురించి హెచ్చరించడంతో చరణ్ పూర్తిగా ఈ అలవాటును మార్చేసుకున్నాడట.
ఇక తండ్రి అంటే చరణ్ కి ఎంత ప్రేమో ప్రత్యేకంగా చెప్పక్కర్లేదు. సందర్భం వచ్చినప్పుడల్లా తండ్రి మీద తనకున్న ప్రేమను చరణ్ వ్యక్తపరుస్తూనే ఉంటాడు. తన తండ్రి ప్రతిష్టాత్మక 150వ చిత్రం 'ఖైదీ నెం.150' ని నిర్మించి,ఈ చిత్రంతో సక్సెస్ ఫుల్ నిర్మాతగా కూడా పేరు తెచ్చుకున్నాడు రాంచరణ్.