పవన్ స్టార్ పవన్ కళ్యాణ్ హీరోగా దర్శకరత్న డా.దాసరి నారాయణరావు ఓ సినిమా నిర్మించడానికి ఎప్పట్నుంచో ప్రయత్నాలు చేస్తున్న విషయం తెలిసిందే. పవన్ కళ్యాణ్ కూడా దాసరి సినిమా చేయడానికి గ్రీన్ సిగ్నల్ ఇచ్చాడు, కానీ కధ కుదరడంలేదు. దాంతో దాసరి, పవన్ ప్రాజెక్ట్ ఇప్పటివరకూ పట్టాలెక్కలేదు. ఇకముందు ఎక్కుతుందా అంటే చాలామంది జరిగే పనికాదని అంటుంటారు. అయితే తాజా వార్తల ప్రకారం దాసరి చేస్తున్న ప్రయత్నం ఫలిస్తే... పవన్ కళ్యాణ్, దాసరి సినిమా పట్టాలెక్కే అవకాశముందని ఫిల్మ్ నగర్ టాక్.
దాసరి ఈ మధ్య ఓ డైరెక్టర్ ని కలిసారట. ఆయన ఎవరో కాదు... శివ. తమిళంలో అజిత్ హీరోగా వీరమ్. వేదాళం చిత్రాలకు దర్శకత్వం వహించాడు శివ. ఈ చిత్రాల తెలుగు రీమేక్ లో పవన్ కళ్యాణ్ హీరోగా నటిస్తున్నాడు. కాగా ఈ డైరెక్టర్ తో దాసరి చర్చలు జరిపారట. పవన్ కళ్యాణ్ కోసం ఓ కథ రెడీ చేయమని చెప్పారట. ఇందుకు శివ కూడా అంగీకరించారని సమాచారమ్. మరి శివ చెప్పబోయే కథకు పవన్ కళ్యాణ్ నుంచి గ్రీన్ సిగ్నల్ వస్తుందా వేచి చూద్దాం. ఈసారైనా దాసరి ప్రయత్నం నెరవేరుతుందా...!