పవర్ స్టార్ పవన్ కళ్యాణ్, త్రివిక్రమ్ శ్రీనివాస్ కాంబినేషన్ లో ఓ చిత్రం రూపొందనున్న విషయం తెలిసిందే. ఈ చిత్రానికి అనిరుధ్ రవిచంద్రన్ సంగీతమందిస్తున్నాడు. 'బ్రూస్ లీ', 'ధృవ', 'అఆ' చిత్రాలకు అనిరుధ్ సంగీతమందించాల్సి ఉన్నప్పటికీ, అతనికున్న కమిట్ మెంట్ప్ వల్ల ఈ సినిమాలను మిస్ చేసుకున్నాడు. కానీ ఈసారి పవన్ కళ్యాణ్, త్రివిక్రమ్ కాంబినేషన్ సినిమాని మిస్ చేసుకోకూడదని, ఈ క్రేజీ ప్రాజెక్ట్ కి అదిరిపోయే పాటలందించాలనే టార్గెట్ తో ఉన్నాడట కొలవెరి బోయ్ అనిరుధ్. కాగా తాజా వార్తల ప్రకారం ఈ చిత్రానికి ఓ స్పెషల్ అట్రాక్షన్ ని యాడ్ చేయడానికి అనిరుధ్ వర్కవుట్ చేస్తున్నాడని సమాచారమ్. అదేంటంటే...
ఈ సినిమా కోసం ఓ ప్రమోషనల్ సాంగ్ చేయబోతున్నాడట. ప్రమోషనల్ సాంగ్స్ ఎక్కువగా హిందీ సినిమాల కోసం చేస్తుంటారు. అల్లు అర్జున్ జులాయి కోసం దేవిశ్రీ ప్రసాద్ 'పకడో పకడో' సాంగ్ చేసాడు. ఈ ప్రమోషనల్ సాంగ్ కి దేవి, అల్లు అర్జున్ డ్యాన్స్ చేసారు. ఇప్పుడు పవన్ కళ్యాణ్ కోసం కూడా అనిరుధ్ ఓ ప్రమోషనల్ సాంగ్ ని అందించబోతున్నాడు. మరి ఈ ప్రమోషనల్ సాంగ్ ని ఎవరిపై చిత్రీకరిస్తారో వేచి చూడాల్సిందే. పవన్ కళ్యాణ్, అనిరుధ్ కలిసి ఈ పాటకు చిందేస్తే.., స్పెషల్ అట్రాక్షన్ అవుతుందని ప్రత్యేకంగా చెప్పక్కర్లేదు.