పవర్ స్టార్ పవన్ కళ్యాణ్ 'అత్తారింటికి దారేది' చిత్రంలోని 'ఆరడుగుల బుల్లెట్..' పాట ఎంత ఫేమస్సో ప్రత్యేకంగా చెప్పక్కర్లేదు. పవన్ కళ్యాణ్ క్రేజ్ ని క్యాష్ చేసుకోవాలనుకునే వారు 'ఆరడుగుల బుల్లెట్' టైటిల్ ని సినిమాకి పెడతానంటే నో చెప్పరు. కానీ నిర్మాత పొట్లూరి.వి.ప్రసాద్ మాత్రం ఈ టైటిల్ వద్దని, వేరే టైటిల్ గురించి ఆలోచించమని చెప్పేసారట.
గోపీచంద్, నయనతార జంటగా బి.గోపాల్ దర్శకత్వంలో ఓ సినిమా రూపొందుతోంది. ఈ సినిమాకి 'ఆరడుగుల బుల్లెట్' టైటిల్ ని ఫిక్స్ చేస్తున్నట్టు నిర్మాత తాండ్ర రమేష్ ప్రకటించారు. అయితే ఈ సినిమా ఫైనాన్షియల్ ప్రాబ్లమ్ లో ఇరుక్కోవడం, ఫైనల్ గా ఈ చిత్రాన్ని హ్యాండోవర్ చేసుకుని విడుదల చేయడానికి ప్రసాద్.వి.పొట్లూరి రంగంలోకి దిగడం జరిగింది. కాగా ప్రసాద్.వి.పోట్లూరి 'ఆరడుగుల బుల్లెట్' టైటిల్ ని మార్చుదామని, వేరే టైటిల్ ని పరిశీలించమని డైరెక్టర్ ని అడిగారట. నిజం చెప్పాలంటే పవన్ కళ్యాణ్ క్రేజ్ ని క్యాష్ చేసుకోవాలనే ప్లాన్ లో ఉన్నవారు ఈ టైటిల్ ని వాడుకుంటారు. కానీ నిర్మాత పివిపి మాత్రం టైటిల్ ని మార్చాల్సిందిగా కోరడం విశేషం. గోపీచంద్ హైట్ కి 'ఆరడుగుల బుల్లెట్' టైటిల్ సరిగ్గా సరిపోతుంది. మరి ప్రసాద్ వి.పొట్లూరి ఈ టైటిల్ ని ఎందుకు వద్దనుకుంటున్నారో.. ఇదిలా ఉంటే...
ఓ ఐటమ్ పాట, గోపీచంద్, నయనతార పై ఓ డ్యుయెట్ సాంగ్ చిత్రీకరిస్తే సినిమా పూర్తయిపోతుందట. అన్ని కార్యక్రమాలను పూర్తి చేసి త్వరలో విడుదల చేయడానికి సన్నాహాలు చేస్తున్నారు. మరి ఈ సినిమాకి ఏం టైటిల్ కుదురుతుందో వేచి చూద్దాం.