పూరి జగన్నాథ్ దర్శకత్వంలో రూపొందే చిత్రాల్లో ఐటమ్ సాంగ్స్ బాగుంటాయి. ఆ పాటల ద్వారా కొత్త కొత్త అమ్మాయిలను పరిచయం చేస్తుంటాడు పూరి. అలా పరిచయం చేసిన ఐటమ్ భామల్లో ముమైత్ ఖాన్ ఓ వెలుగు వెలిగింది. టాలీవుడ్ లో బోల్డన్ని ఐటమ్ పాటలు చేసింది. ఆమె తర్వాత పూరి జగన్నాధ్ పరిచయం చేసిన ఐటమ్ భామల్లో క్రేజ్ తెచ్చుకున్న భామ కెనడియన్ మోడల్ నోరా ఫతేహి. తాజాగా నటసింహం నందమూరి బాలకృష్ణ తో చేస్తున్న సినిమా కోసం పూరి జగన్నాధ్ ఓ ఐటమ్ పాట ప్లాన్ చేసాడట.
ఈ ఐటమ్ పాట పబ్ బ్యాక్ డ్రాప్ లో ఉంటుందట. అందుకే హైదరాబాద్ లో పబ్ సెట్ వేయిస్తున్నాడట పూరి. ఈ ఐటమ్ పాట సినిమా ఆరంభమైన వెంటనే వస్తుందని సమాచారమ్. అయితే ఈ ఐటమ్ పాట ఎవరితో చేయించడానికి పూరి ప్లాన్ చేస్తున్నాడనే చర్చ ఫిల్మ్ నగర్ లో జరుగుతోంది. కొత్త ఐటమ్ భామను ఈ పాట ద్వారా టాలీవుడ్ లో అరంగేట్రం చేయిస్తాడా లేక తను పరిచయం చేసిన ముద్దుగుమ్మలతోనే ఈ ఐటమ్ పాటను చిత్రీకరిస్తాడా వేచి చూడాల్సిందే. పూరి మార్క్ స్టైల్లో ఉండే ఈ పాటకు బాలయ్య చిందేస్తే నందమూరి అభిమానులు పూనకంతో ఊగిపోవడం ఖాయం. ప్రస్తుతం ఈ చిత్రం షూటింగ్ పోర్చుగల్ లో జరుగుతోంది. అక్కడి నుంచి రాగానే ఈ ఐటమ్ పాటను చిత్రీకరించడానికి ప్లాన్ చేసారట.