సైలిష్ స్టార్ అల్లు అర్జున్ హీరోగా హరీష్ శంకర్ దర్శకత్వంలో రూపొందుతోన్న దువ్వాడ జగన్నాధమ్ చిత్రం షూటింగ్ చివరి దశలో ఉన్న సంగతి తెలిసిందే. రెండు పాటలు మినహా షూటింగ్ పూర్తయ్యింది. జూన్ 23న ఈ చిత్రాన్ని విడుదల చేయాలనే ఆలోచనలో ఈ చిత్రం యూనిట్ ఉంది. దిల్ రాజు నిర్మిస్తున్న ఈ చిత్రంలో పూజా హెగ్డె కథానాయికగా నటిస్తోంది.
ఈ చిత్రంలో అల్లు అర్జున్ బ్రాహ్మణ కుర్రాడిగా అలరించబోతున్నాడు. కాగా పంచె కట్టుతో అల్లు అర్జున్ గెటప్ విపరీతమైన ఆసక్తిని రేకెత్తిస్తోంది. గెటప్ చాలా బాగుందనే ప్రశంసలు అందుతున్నాయి. ఈ పంచెకట్టు కోసం ఫోటో షూట్ జరిగిందట. బాలీవుడ్ డిజైనర్ సబర్ణాని పంచెలను డిజైన్ చేసిందట. గెటప్ కి సంబంధించి సబర్ణాని చాలా జాగ్రత్తలు తీసుకుందట. ఇప్పటికే అల్లు అర్జున్ గెటప్ చూసి కుర్రకారు పంచెలు కట్టుకుని హల్ చల్ చేస్తున్నారు. రేపు సినిమా రిలీజ్ అయిన తర్వాత ఈ పంచె గెటప్ కి భారీ రెస్పాన్స్ రావడం ఖాయమని ప్రత్యేకంగా చెప్పక్కర్లేదు.