ప్రభాస్ దేవుడు.. అనుష్క భాగమతి కి అతనే సూత్రధారి!

యు.వి.క్రియేషన్స్ బ్యానర్ పై 'పిల్ల జమిందార్' ఫేం అశోక్ దర్శకత్వంలో అనుష్క లీడ్ రోల్ చేసిన 'భాగమతి' చిత్రం ఈ 26న థియేటర్స్ కి వస్తోంది. ప్రపంచ వ్యాప్తంగా విడుదలకానున్న ఈ చిత్రం ఫ్రీ రిలీజ్ వేడుక నిన్న (21.1.2018) ఘనంగా జరిగింది. కాగా ఈ సినిమా పట్టాలెక్కడానికి సూత్రధారి ఎవరో కాదు... యంగ్ రెబల్ స్టార్ ప్రభాస్. ఈ సినిమా స్ర్కిఫ్ట్ ని ఒకే చేసింది ప్రభాసేనట. ఈ విషయాన్ని స్వయంగా డైరెక్టర్ అశోక్ చెబుతూ - ''ఫ్రభాస్ దేవుడు. భాగమతి స్ర్కిఫ్ట్ విని గ్రీన్ సిగ్నల్ ఇచ్చింది ప్రభాసే'' అన్నాడు. ఇక అనుష్క ఈ సినిమా చేయడానికి కారణం కూడా ప్రభాస్. ఆ వివరాల్లోకి వెళితే...

సైజ్ జీరో, రుద్రమదేవి చిత్రాల తర్వాత లేడీ ఓరియంటెడ్ చిత్రాలకు కొన్నాళ్ల పాటు దూరంగా ఉండాలని అనుష్క అనుకునేదట. దాంతో 'భాగమతి' చేయడానికి ఆసక్తి కనబర్చలేదట అనుష్క. అయితే ప్రభాస్ కోసం మనసు మార్చుకుని ఈ సినిమా చేసిందని తెలుస్తోంది. 'భాగమతి' స్ర్కిఫ్ట్ విన్న ప్రభాస్ ఈ సినిమా చేయమని పర్సనల్ గా అనుష్కను రిక్వెస్ట్ చేసాడట. పైగా ఈ సినిమా నిర్మించే బాధ్యతలను తన ఫ్రెండ్స్, యు.వి.క్రియేషన్స్ అధినేతలు వంశీ, ప్రమోద్ లకు అప్పజెప్పాడట ప్రభాస్. యు.వి.క్రియేషన్స్ ని అనుష్క తన సొంత బ్యానర్ లా భావిస్తుంది. వీరు 'భాగమతి' చిత్రాన్ని నిర్మిస్తున్నారు కాబట్టి, ఈ సినిమా చేయడానికి అంగీకరించిందట అనుష్క. సో.... 'భాగమతి' మెటీరియలైజ్ అవ్వడానికి సూత్రధారి ప్రభాస్ అన్నమాట...!