యంగ్ టైగర్ ఎన్టీఆర్, మెగా పవర్ స్టార్ రాంచరణ్ తో స్టార్ డైరెక్టర్ రాజమౌళి ఓ మల్టీస్టారర్ సినిమా చేయబోతున్న విషయం తెలిసిందే. ఈ సినిమా కోసం ప్రస్తుతం కమిట్ అయిన సినిమాలను త్వరితగతిన పూర్తి చేయాల్సిన టెన్షన్ లో ఈ హీరోలిద్దరూ ఉన్నారని సమాచారమ్. బోయపాటి శ్రీను దర్శకత్వంలో రాంచరణ్ సినిమా చేస్తుంటే, త్రివిక్రమ్ శ్రీనివాస్ దర్శకత్వంలో ఎన్టీఆర్ సినిమా చేయబోతున్నాడు. కాగా ఈ హీరోలిద్దరికీ రాజమౌళి ఓ ఆర్డర్ వేసాడట. అదేంటంటే...
ఎట్టిపరిస్థితుల్లోనూ ఆగస్ట్ నెలాఖరుకల్లా వీరు కమిట్ అయిన సినిమాలకు సంబంధించిన అన్ని కార్యక్రమాలను పూర్తి చేయాలని చెప్పాడట రాజమౌళి. సెప్టెంబర్ లో తన సినిమా కోసం లుక్ టెస్ట్ లాంటివి చేయాల్సి ఉంటుందని చెప్పాడట. దాంతో ఎన్టీఆర్, రాంచరణ్ జూలై నెలాఖరుకల్లా తమ ప్రస్తుత సినిమాల షూటింగ్ ని పూర్తి చేయాలని ఫిక్స్ అయ్యారట. రాంచరణ్ తో బోయపాటి శ్రీను చేస్తున్న సినిమా ఫస్ట్ షెడ్యూల్ పూర్తయ్యింది. సెకండ్ షెడ్యూల్ ఈ నెల మూడో వారం నుంచి ఆరంభంకానుంది. ఈ సినిమాని పూర్తి చేయడానికి బోయపాటికి ఐదు నెలలు టైమ్ ఉంది. ఎన్టీఆర్ తో త్రివిక్రమ్ చేయబోతున్న సినిమా వచ్చే నెల సెట్స్ పైకి వెళ్లనుంది. నాలుగు నెలల టైమ్ లో ఈ సినిమాని త్రివిక్రమ్ పూర్తి చేయాల్సి ఉంటుంది. ఇది కొంచెం ఒత్తిడితో కూడుకున్నదే అయినప్పటికీ... రాజమౌళి ఆర్డర్స్ మేరకు త్రివిక్రమ్, బోయపాటిని ఎన్టీఆర్, రాంచరణ్ రిక్వెస్ట్ చేసి తమ ప్రస్తుత సినిమాలను పూర్తి చేసే ఆలోచనలో ఉన్నారట. సో...సెప్టెంబర్ నుంచి ఎన్టీఆర్, రాంచరణ్, రాజమౌళి కాంబినేషన్ సినిమా ఫ్రీ ప్రొడక్షన్ కార్యక్రమాలు ఆరంభమవుతాయని చెప్పొచ్చు.