నో కాంట్రవర్సీస్ అంటున్న కొరటాల, దానయ్య...!

ప్రిన్స్ మహేష్ బాబు హీరోగా కొరటాల శివ దర్శకత్వంలో తెరకెక్కిన 'భరత్ అనే నేను' చిత్రం ఈ 20న ప్రపంచ వ్యాప్తంగా ఘనంగా విడుదలవుతోంది. ఈ చిత్రం ప్రమోషనల్ కార్యక్రమాలు జోరుగా జరుగుతున్నాయి. అందులో భాగంగా నిర్మాత డి.వి.వి దానయ్య ఈ సినిమాకి సంబంధించి ఓ విషయంలో క్లారటీ ఇచ్చారు. కొరటాల ఇంతకుముందు ఏం చెప్పారో అదే దానయ్య కూడా చెప్పారు. ఆ విషయంలోకి వెళితే...

ఈ సినిమాలో మహేష్ బాబు ముఖ్యమంత్రిగా నటిస్తున్నాడు. దాంతో ఈ సినిమాలో పొలిటికల్ సెటైర్లు ఎక్కువగా ఉంటాయని, రాజకీయ పార్టీలను టార్గెట్ చేసే విధంగా సీన్స్ ఉంటాయేమోనని, రాజకీయ నాయకులను టార్గెట్ చేస్తారేమోననే వార్తలు ప్రచారం అవుతున్నాయి. అయితే ఏ రాజకీయ పార్టీని టార్గెట్ చేసే విధంగా సీన్స్ ఉండవు. సెటైరికల్ డైలాగులు ఉండవు. రొమాన్స్, ఫ్యామిలీ డ్రామా, మంచి మెసేజ్ తో ఈ సినిమా అన్ని వర్గాల ఆడియన్స్ ని ఆకట్టుకునే విధంగా ఉంటుంది అని గతంలో కొరటాల చెప్పారు.

ఇప్పుడు నిర్మాత దానయ్య కూడా ఇదే మాట చెప్పారు. ప్రస్తుత రాజకీయాలకు, ఈ సినిమాకు ఎలాంటి సంబంధం లేదు. వ్యక్తిగతంగా ఎవరినీ విమర్శించడంగానీ, ఓ పార్టీని సమర్ధిస్తున్నట్టు సీన్స్ గానీ ఈ సినిమాలో ఉండవు. ఎలాంటి కాంట్రవర్సీలకు తావివ్వకుండా చాలా క్లారటీగా ఈ సినిమాని తెరకెక్కించారు కొరటాల శివ అని చెప్పారు.

సో... భరత్ ఏ రాజకీయ పార్టీని టార్గెట్ చేయలేదు... సొసైటీకి మంచి మెసేజ్ మాత్రమే ఇస్తాడని ఫిక్స్ అయిపోవచ్చు.