అరవింద సమేత వీరరాఘవకు భలే ముహూర్తాలు కుదిరాయి!

యంగ్ టైగర్ ఎన్టీఆర్, మాటల మాంత్రికుడు త్రివిక్రమ్ శ్రీనివాస్ 'అరవింద సమేత వీరరాఘవ' సినిమా షూటింగ్ శరవేగంగా జరుగుతోన్న విషయం తెలిసిందే. ఏ మాత్రం గ్యాప్ తీసుకోకుండా ఈ సినిమా షూటింగ్ లో పాల్గొంటున్నాడు ఎన్టీఆర్. కాగా ఈ సినిమా టీజర్, ఆడియో విడుదలకు ముహూర్తాలు ఖరారైనట్టు తెలుస్తోంది. అలాగే రిలీజ్ డేట్ కి సంబంధించి కూడా దర్శక, నిర్మాతలు ఓ క్లారటీకి వచ్చేసారట. ఆ వివరాల్లోకి వెళితే...

ఆగస్ట్ 15న స్వాతంత్రదినోత్సవాన్ని పురస్కరించుకుని 'అరవిందసమేత వీరరాఘవ' టీజర్ ని విడుదల చేయాలని ఫిక్స్ అయ్యారట. అలాగే సినిమా ఆడియో వేడుకను సెప్టెంబర్ చివరి వారంలో జరపాలనుకుంటున్నారట. ఇక రిలీజ్ విషయంలో కూడా దర్శక, నిర్మాతలు ఓ క్లారటీకి వచ్చారట. అక్టోబర్ 8 నుంచి స్కూల్స్, కాలేజ్ లకు దసరా హాలీడేస్ మొదలవుతాయి. ఈ నేపధ్యంలో అక్టోబర్ 10న లేదా 11న సినిమాని విడుదల చేస్తే దసరా హాలీడేస్ ని ఫుల్లుగా క్యాష్ చేసుకోవచ్చని భావిస్తున్నారట నిర్మాత రాధాకృష్ణ. ఎక్కువ థియేటర్స్ లో సినిమా విడుదలకానుండటం, దసరా హాలీడేస్ కావడం 'అరవింద సమేత' కు కలిసొస్తాయి. పైగా ఈ సినిమా రిలీజ్ తర్వాత వారంలో పెద్ద సినిమా విడుదలవ్వడంలేదు. సో... భారీ ఓపెనింగ్స్ తో పాటు భారీ వసూళ్లను సాధించడం ఖాయం. ఇక సినిమా బాగుంటే బ్లాక్ బస్టర్ హిట్ ఫిక్స్. మరి ఎన్టీఆర్, త్రివిక్రమ్ ఏ రేంజ్ విజయాన్ని అందుకుంటారో వేచి చూద్దాం.