పెళ్లయిన తర్వాత నాగచైతన్య, సమంత జంటగా 'నిన్ను కోరి' ఫేం డైరెక్టర్ శివ నిర్వాణ దర్శకత్వంలో ఓ సినిమా చేస్తున్న సంగతి తెలిసిందే. ఇటీవలే ఈ సినిమా ప్రారంభమయ్యింది. ఈ సినిమాలో పెళ్లయిన దంపతులుగా నటిస్తున్నారు నాగచైతన్య, సమంత. వీరి మధ్యలోకి ఓ అమ్మాయి వస్తుంది. ఆ అమ్మాయి వల్ల ఈ దంపతుల మధ్య గొడవలు ఆరంభమవుతాయి. తర్వాత ఈ ఇద్దరూ ఆ సమస్య నుండి ఎలా బయటపడతారు అనే స్టోరీ లైన్ తో ఈ సినిమా తెరకెక్కనుందనే వార్తలు ప్రచారమవుతున్నాయి.
కాగా ఈ సినిమాకి 'మజలీ' టైటిల్ ని పరిశీలిస్తున్నట్టు వార్తలు వినిపిస్తున్నాయి. ఈ టైటిల్ ని రిజిస్టర్ చేయించడంతో, ఈ టైటిల్ నే ఫైనలైజ్ చేసే అవకాశముందని ఊహించవచ్చు.