పవన్ కల్యాణ్ ఘోస్ట్ ఎవరు?

ఈ వారంలో పవన్ కల్యాణ్ రాజకీయాలకు సంబంధించి ఓ భారీ నిర్ణయం తీసుకోబోతున్నాడు. ఇండిపెండెంట్ గా కడప లేదా మల్కాజ్ గిరి స్థానాల నుంచి పోటీ చేయడానికి సిద్ధమవుతున్నాడు. ప్రజలకు న్యాయం చేయాలనే ఆకాంక్షతో రాజకీయాల్లోకి వస్తున్నట్లు పవన్ తన సన్నిహితుల దగ్గర చెబుతున్నాడు. గతంలో చిరంజీవి కూడా ఇదే చెప్పాడు కానీ, ప్రజలకు తన ద్వారా పెద్దగా న్యాయం చేకూరలేదు. మరి.. పవన్ కల్యాణ్ ఏం చేస్తాడో చూడాలి. ఇదిలా ఉంటే.. ప్రస్తుత రాజకీయాలు ఎలా ఉన్నాయి? భవిష్యత్తులో రాజకీయాలు ఎలా ఉంటే మంచిది, ప్రజలకు న్యాయయం జరగాలంటే ఎలాంటి పరిపాలన ఉండాలి? అనే విషయాల గురించి పవన్ కల్యాణ్ ఓ పుస్తకం రాశాడు. త్వరలో ఈ పుస్తకావిష్కరణ జరగనుంది. కాగా, పవన్ కి తన మనోభావాలను ఇంకొకరి దగ్గర వ్యక్తపరిచేంత ప్రతిభ ఉంది కానీ, ఆ భావాలను పుస్తకరూపంలో పెట్టేంత రచయితగా కాదని పరిశీలకులు అంటున్నారు. సో.. పవన్ కల్యాణ్ వెనక ఎవరో ఘోస్ట్ రైటర్ ఉన్నారని అంటున్నారు. ఆ ఘోస్ట్ ఎవరో కాదు త్రివిక్రమ్ శ్రీనివాస్ అని కూడా ఊహిస్తున్నారు. ఆ మధ్య జరిగిన 'అత్తారింటికి దారేది'కి సంబంధించిన విజయోత్సవ సభలో పవన్ రెచ్చిపోయి మాట్లాడాడు. ఆ స్ర్కిప్ట్ త్రివిక్రమ్ రాసిచ్చినదే అనే టాక్ ఉంది. ఇదిలా ఉంటే చిరంజీవి రాజకీయ రంగప్రవేశానికి సంబంధించిన ప్రారంభ సభకు పరుచూరి బ్రదర్స్ స్ర్కిప్ట్ ఇచ్చారట. ఇప్పుడు పవన్ కి త్రివిక్రమ్ పుస్తకం రాసి పెట్టడంతో పాటు ఉపన్యాసాలకు సంబంధించిన స్ర్కిప్ట్ కూడా ఇస్తాడేమో?