40 కోట్ల కోసమే రజనీ అది ఒప్పుకున్నారా?

తన కుమార్తె సౌందర్య దర్శకత్వంలో రజనీకాంత్ నటించిన 'కోచడయాన్' ఈ నెల 9న విడుదల కానుంది. ఈ చిత్రానికి రజనీకాంత్ కుమార్తె కూడా డబ్బు పెట్టిందని సమాచారం. నిర్మాణ వ్యయం ఎక్కువ కావడంతో సినిమా డెఫిషిట్ లో విడుదలవుతోందట. ఈ నష్టాన్నిభర్తీ చేయడానికే రజనీకాంత్ ఈ చిత్రం విడుదల కాకముందే వెంటనే మరో సినిమా ఒప్పుకున్నారని కోలీవుడ్ టాక్. కె.యస్. రవికుమార్ దర్శకత్వంలో రజనీ అంగీకరించిన 'లింగా' మైసూరులో నిన్న (02.05). ప్రారంభమైన విషయం తెలిసిందే. కన్నడ నిర్మాత రాక్ లైన్ వెంకటేష్ ఈ చిత్రానికి నిర్మాత. మామూలుగా సినిమా సినిమాకి చాలా విరామం తీసుకుంటున్న రజనీకాంత్ ఇలా 'కోచడయాన్' చేసిన వెంటనే 'లింగా' సినిమా ఒప్పుకోవడం చర్చనీయాంశమైంది. 'కోచడయాన్' వల్ల ఆర్థిక ఇబ్బందులు ఎదురు కావడంవల్లే ఆయన ఈ సినిమా ఒప్పుకున్నారని పరిశీలకులు చెప్పుకుంటున్నారు. ఈ సినిమా ప్రారంభోత్సవాన్ని మైసూర్ లో జరిపారు. ఈ వేడుకలో అంబరీష్ తో పాటు పలువురు కన్నడ రంగ ప్రముఖులు పాల్గొన్నారు. ఈ విషయమై తమిళ చిత్రరంగ ప్రముఖులు ఆగ్రహంగా ఉన్నారని పమాచారం. ఈ వేడుకను చెన్నయ్ లో జరపకపోవడం ఓ కొరత అయితే, తమిళ సినీ రంగానికి చెందినవారెవర్నీఈ వేడుకకు ఆహ్వానించకపోవడం మరో కొరతగా భావిస్తున్నారు. మైసూర్ లో తన సినిమా ప్రారంభోత్సవం జరగడం ఇలా కోలీవుడ్ వారిని ఆగ్రహానికి గురి చేస్తుందని రజనీ ఊహించి ఉండరు.