టాప్ హీరోలకు షాకిచ్చిన 2014

టాలీవుడ్ నెం.1 స్థానం కైవసం చేసుకోగల సత్తా ఉన్న ప్రిన్స్ మహేష్ బాబు, యంగ్ టైగర్ ఎన్టీఆర్ లకు 2014 షాక్ ఇచ్చింది. ఈ యేడాది ఈ ఇద్దరు హీరోలు నటించిన చిత్రాలు డిజాస్టర్ గా నిలవడం చిత్ర పరిశ్రమను సైతం షాక్ కి గురి చేసింది. మహేష్, ఎన్టీఆర్ సైతం ఈ సినిమాల రిజల్ట్ పట్ల చాలా నిరాశపడిపోయారనే టాక్ ఉంది. ఈ సినిమాల తర్వాత తదుపరి సినిమాల విషయాల్లో మహేష్ బాబు, ఎన్టీఆర్ చాలా జాగ్రత్తలు తీసుకుని చేస్తున్నారట. అంతలా ఈ ఇద్దరినీ ఈ సినిమాలు టెన్షన్ కు గురి చేసాయి. ఈ యేడాది ఈ ఇద్దరికీ షాక్ ఇచ్చిన సినిమాల గురించి ఓసారి చెప్పుకుందాం.

1 నేనొక్కడినే
టాలీవుడ్ నెం.1 స్థానం మహేష్ బాబుదే అని ఫిక్సయిన వారందరూ '1' నేనొక్కడినే టైటిల్ పర్ ఫెక్ట్ గా మహేష్ బాబుకే సూట్ అవుతుందని బహిరంగంగానే అన్నారు. సుకుమార్ దర్శకత్వంలో రూపొందిన ఈ చిత్రాన్ని మహేష్ బాబు చాలా ఇష్టంగా చేసాడు. నిజం చెప్పాలంటే ఇది ఒక ప్రయోగాత్మక చిత్రం. పక్కా కమర్షియల్ చిత్రాలు చేస్తూ, ముందుకు సాగుతున్న మహేష్ ప్రయోగాత్మక చిత్రం చేయడానికి కూడా వెనుకాడడని ఈ సినిమా చూసిన తర్వాత ప్రతి ఒక్కరూ మాట్లాడుకున్నారు. యాక్షన్, సెంటిమెంట్, లవ్ అన్ని అంశాలు ఉన్న ఈ సినిమా ప్రేక్షకులకు మాత్రం కనెక్ట్ అవ్వలేదు. ఏ సినిమా అయినా మాస్ ప్రేక్షకులకు కనెక్ట్ అయితేనే కమర్షియల్ విజయం సాధించగలదు. ఈ సినిమా క్లాన్ పీపుల్స్ కి కనెక్ట్ అయినంతగా, మాస్ కి కనెక్ట్ అవ్వలేదు. అందుకే ఈ సినిమా రిజల్ట్ నిరాశపరిచింది. కానీ మహేష్ బాబు నటనకు మాత్రం విమర్శకుల ప్రశంసలు సైతం దక్కాయి.

ఆగడు

1 నేనొక్కడినే రిజల్ట్ నిరాశపరచడంతో తన తదుపరి సినిమాకు సంబంధించి ఎలాంటి ప్రయోగాలు చేయకుండా, శ్రీను వైట్ల దర్శకత్వంలో 'ఆగడు' టైటిల్ తో పక్కా కమర్షియల్ సినిమా చేసాడు మహేష్. కానీ ఈ సినిమా రిజల్ట్ కూడా నిరాశపరిచింది.

2014 disappointed Maheshbabu and N.T.R

à°°à°­à°¸
యంగ్ టైగర్ ఎన్టీఆర్ హీరోగా సంతోష్ శ్రీనివాస్ దర్శకత్వంలో రూపొందిన 'రభస' చిత్రం భారీ అంచనాలతో విడుదలయ్యింది. ఎన్టీఆర్ నటన పరంగా, ఫైట్స్ పరంగా, డ్యాన్స్ పరంగా ఎక్కడా తగ్గలేదు. అయినా సరే ఈ సినిమా ప్రేక్షకాదరణ పొందలేదు. దీనికి కారణం కథ. కథలో పట్టులేకపోవడం, ఓ స్టార్ హీరోని హ్యాండిల్ చేసేంత గ్రిప్ డైరెక్టర్ సంతోష్ శ్రీనివాస్ కు లేకపోవడం వల్లే సినిమా ఫ్లాప్ అయ్యిందనే విమర్శలు వచ్చాయి. 'రభస' టైటిల్ తో ఎన్టీఆర్ బాక్సాఫీస్ దగ్గర రచ్చ చేస్తాడని భావించిన ఎన్టీఆర్ అభిమానులను ఈ సినిమా చాలా నిరాశ పరిచింది.

ఈ యేడాది ఈ సినిమాల ద్వారా మహేష్ బాబు, ఎన్టీఆర్ నిరాశపడినప్పటికీ, వచ్చే యేడాది బ్లాక్ బస్టర్స్ ఇవ్వడానికి ఈ హీరోలు సమాయత్తమవుతున్నారు. ఈ యేడాది చేదు అనుభవాలను చవిచూసిన మహేష్, ఎన్టీఆర్... వచ్చే యేడాది బ్లాక్ బస్టర్ హిట్లు సాధించాలని కోరుకుందాం.