శృతిహాసన్, సురేష్ రైనా రహస్య ప్రేమ!

'ఎవడు' సినిమాకి సంబంధించి అభ్యంతరకరంగా ఉన్న తన ఫొటోలు బయటికొచ్చాయంటూ ఇటీవల శృతిహాసన్ కేసు పెట్టిన విషయం తెలిసిందే. గత కొన్ని రోజులుగా ఈ వివాదం నలుగుతోంది. ఇటీవల ఎక్కువగా ఈ వివాదానికి సంబంధించిన వార్తల్లో నిలిచిన శృతిహాసన్ ఇప్పుడు మరో విధమైన వార్తల్లో నిలిచింది. అది ప్రేమ తాలూకు వార్త. దాని గురించి చెప్పాలంటే..
గతంలో సిద్ధార్ధ్ తో శృతి ప్రేమాయణం సాగించిందనే వార్త వచ్చింది. ఆ ఇద్దరూ పెళ్లి చేసుకుంటారని కూడా చాలామంది భావించారు. కానీ, అది జరగకముందే విడిపోయారు. ఆ తర్వాత క్రికెటర్ సురేష్ రైనాతో శృతి ప్రేమలో పడిందనే వార్త వచ్చింది. గత ఏడాది ఈ ఇద్దరికీ పరిచయం ఏర్పడింది. ఆ పరిచయం ప్రేమకు దారి తీసిందనే వార్త ప్రచారమైంది. అయితే, ఆ తర్వాత ఈ ప్రేమాయణం గురించి పెద్దగా వార్తలు రాలేదు. ఎందుకంటే, శృతి, సురేష్ తమ అనుబంధం బయటపడకుండా వీలైనంత గుట్టుగా ఉంటున్నారు. కానీ, ఎంత గుట్టుగా వ్యవహరించినా, ఇలాంటి విషయాలు అస్సలు దాగవు. ఈ ఇద్దరూ సీరియస్ గానే ప్రేమించుకుంటున్నారని పరిశీలకులు అంటున్నారు. శృతిహాసన్ చేతినిండా సినిమాలతో బిజీగా ఉంది. సురేష్ రైనా కూడా ఖాళీగా ఏం లేడు. క్రికెట్ మ్యాచ్ లతో ఫుల్ బిజీగా ఉంటున్నాడు. దాంతో ఈ ప్రేమికులిద్దరికీ ఏకాంతంగా గడిపే సమయమే చిక్కడంలేదట. ఇంత బిజీ షెడ్యూల్ లో కూడా ఏమాత్రం వీలు దొరికినా ఇద్దరూ కలుసుకుని, స్వీట్ నథింగ్స్ చెప్పుకుంటున్నారని పరిశీలకులు అంటున్నారు. మరి.. ఈ ప్రేమకథ ఎందాకా వెళుతుందో చూడాలి.