నయనతార కోసం నిద్రమాత్రలు మింగాడా?

నయనతార అందచందాలకు ఆకర్షితులు కానివారుండరు. కానీ, నయనతార మాత్రం ఇప్పటివరకు శింబు, ప్రభుదేవాకి మాత్రమే ఆకర్షితురాలైంది. ఈ ఇద్దర్నీ ఘాటుగా ప్రేమించి, చాలా సులువుగా విడిపోయింది. ఇప్పుడు సోలో లైఫ్ గడుపుతోందని ఊహిస్తే తప్పేనట. ఎందుకంటే, యువనటుడు గణేష్ వెంకట్రామన్ తో నయనతార ప్రేమాయణం సాగిస్తోందనే వార్త ప్రచారంలో ఉంది. ఆ సంగతి అలా ఉంచితే తమిళనాడు మాజీ ముఖ్యమంత్రి మనవడు, నిర్మాత, హీరో ఉదయనిధి స్టాలిన్, నయనతార వ్యవహారం గురించి ప్రస్తుతం ఓ హాట్ న్యూస్ బయటికి వచ్చింది. ఈ ఇద్దరి గురించి చెప్పాలంటే..

ఉదయనిధి హీరోగా నటించి, నిర్మించిన 'ఇదు కదిర్ వేలన్ కాదలి' అనే తమిళ చిత్రంలో తొలిసారి అతనితో జతకట్టింది నయనతార. à°† తర్వాత ఉదయనిధి సరసన 'నన్బేన్డా' అనే  à°šà°¿à°¤à±à°°à°‚ అంగీకరించింది. à°ˆ చిత్రం షూటింగ్ à°—à°¤ కొన్ని నెలలుగా నిరవధికంగా జరుగుతోంది. కాగా, నయనతారపై ఉదయనిధి మనసు పారేసుకున్నాడని చెన్నయ్ టాక్. ఇటీవల తన ప్రేమను ఆమె దగ్గర వ్యక్తపరిచాడని, కానీ నయన ఒప్పుకోలేదని భోగట్టా. à°† బాధ తట్టుకోలేక ఉదయనిధి నిద్ర మాత్రలు మింగాడని సమచారం. సకాలంలో ఆస్పత్రిలో చేర్చడంతో ప్రమాదం తప్పిందట.

ఇదిలా ఉంటే ఉదయనిధి కి ఆల్రెడీ పెళ్లయ్యింది. అతని భార్య కృతిక ప్రస్తుతం ఓ చిత్రానికి దర్శకత్వం వహిస్తోంది. ఉదయనిధి, కృతికల మధ్య ఎలాంటి మనస్పర్థలు లేవని, వీరి కాపురం సజావుగా ఉందని పరిశీలకులు అంటున్నారు. నయనతార కోసం ఉదయనిధి నిద్ర మాత్రలు మింగి ఉంటాడనే వార్తలో నిజం ఉండకపోవచ్చని అని కూడా అంటున్నారు.

మరి.. నిజమేంటో ఉదయనిధి, నయనతారకే ఎరుక.

Udayanidhi fallen love with Nayanthara?