దొర మూవీ రివ్య్వూ

చిత్రం - దొర
బ్యానర్ - సెల్యూలాయిడ్స్
నటీనటులు - సత్యరాజ్, శిబిసత్యరాజ్, బిందుమాధవి తదితరులు
సినిమాటోగ్రఫీ - యువరాజ్
సంగీతం - సిద్దార్ధ్ విపిన్
బ్యాక్ గ్రౌండ్ స్కోర్ - చిన్నా
మాటలు - శశాంక్ వెన్నెలకంటి
నిర్మాత - జక్కం జవహర్ బాబు
దర్శకత్వం - ధరణీధరన్

హారర్ ఎంటర్ టైనర్స్ ని ఇష్టపడే ఆడియన్స్ సంఖ్య ఎక్కువైపోయింది. అందుకే ఈ జానర్ లో సినిమా తెరకెక్కించడానికి దర్శక, నిర్మాతలు ఆసక్తి కనబరుస్తున్నారు. మినిమమ్ బడ్జెట్ తో సినిమా నిర్మిస్తే నిర్మాత సేఫ్... ఓ సింఫుల్ స్టోరీ అయినా సరే ఆసక్తికరమైన స్ర్కీన్ ప్లే చేయగలిగితే డైరెక్టర్ కి పాస్ మార్కులు. ఇక నటీనటులకు సైతం తమ టాలెంట్ ని బయట పెట్టుకునే అవకాశం. అందుకే ఈ జానర్ లో సినిమాలు చేయడానికి అందరూ ఇష్టపడతున్నారు. ఇప్పుడీ జానర్ లో రూపొందిన సినిమా 'దొర'. తమిళంలో 'జాక్సన్ దొర'గా ఈ చిత్రం రూపొందింది. 'కట్టప్ప'గా తెలుగు ప్రేక్షకుల మనసులను దోచుకున్న సత్యరాజ్ ఈ చిత్రంలో కీలక పాత్ర పోషించారు. ఆయన తనయుడు శిబిసత్యరాజ్, బిందుమాధవి ఇతర ప్రధాన పాత్రలు పోషించారు. ధరణీ దరన్ దర్శకత్వంలో రూపొందిన ఈ చిత్రాన్ని జవహర్ బాబు తెలుగు ప్రేక్షకుల ముందుకు తీసుకువచ్చారు. మరి ఈ చిత్రం ఎలా ఉంది... ప్రేక్షకులను ఆకట్టుకునే విధంగా ఉందా తెలుసుకుందాం.

à°•à°¥
దొరపురంలో జాక్సన్ అనే ప్రేతాత్మ అక్కడి ప్రజలను భయభ్రాంతులకు గురి చేస్తుంటుంది. ఈ ప్రాబ్లమ్ ని సాల్వ్ చేయడానికి ఎస్.ఐ సత్య (శిబిసత్యరాజ్) రంగంలోకి దిగుతాడు. దొరపురం చేరుకున్న సత్య ఆ ఊరి ప్రెసిడెంట్ కూతురు విజయ (బిందుమాధవి) ని ప్రేమిస్తాడు. వీరి ప్రేమ వ్యవహారం ప్రెసిడెంట్ వరకూ వెళుతుంది. కానీ విజయ్ ని పెళ్లి చేసుకోవడానికి ఆమె బావ వీర (కరుణాకరన్) కూడా ముందుకు రావడంతో ప్రెసిడెంట్ ఓ ప్లాన్ చేస్తాడు. వారం రోజులు జాక్సన్ బంగాళాలో ఎవరైతే గడుపుతారో వారితో విజయ పెళ్లి జరుగుతుందని చెబుతాడు. ప్రెసిడెంట్ మాటల మేరకు సత్య, విజయ జాక్సన్ బంగళాకు వెళతారు. అక్కడ వారికి ఎలాంటి పరిస్థితులు ఎదురయ్యాయి... జాక్సన్, దొర ఎవరు... సత్యరాజ్ కి లింకేంటీ అని తెలుసుకోవాలంటే సినిమా చూడాల్సిందే.

నటీనటుల పెర్ ఫామెన్స్
సత్యరాజ్, శిబిసత్యరాజ్, బిందుమాధవి, కరుణాకరన్ అందరూ తమ పాత్రలకు పూర్తి న్యాయం చేసారు. కరుణాకరన్, శిబి కాంబినేషన్ లోని కొన్ని సన్నివేశాలు ప్రేక్షకులను నవ్విస్తాయి. మిగతా నటీనటులు తమ పాత్రల పరిధిమేరకు నటించారు.

సాంకేతిక వర్గం
బ్రిటిష్ ఆత్మకు, ఇండియన్ ఆత్మకు జరిగే గొడవ ఈ చిత్రం మెయిన్ స్టోరీ లైన్. ఇంట్రస్టింగ్ స్టోరీ లైన్ అయినప్పటికీ, స్ర్కీన్ ప్లే పరంగా ఫెయిల్ అవ్వడంతో ఈ సినిమా ప్రేక్షకులకు కనెక్ట్ అవ్వడం కష్టమవుతుంది. యువ సినిమాటోగ్రఫీ బాగుంది. సిద్దార్ద్ సంగీతం యావరేజ్ గా ఉంది. చిన్నా బ్యాక్ గ్రౌండ్ స్కోర్ బాగుంది. నిర్మాణపు విలువలు బాగున్నాయి.

ఫిల్మీబజ్ విశ్లేషణ
స్టోరీ లైన్ బాగుంది. స్ర్కీన్ ప్లే పరమైన తప్పిదం వల్ల ఈ సినిమా ఆడియన్స్ కి కనెక్ట్ అవ్వడం కష్టం. భయపెట్టే హారర్ ఎలిమెంట్స్ లేవు... కడుపుబ్బా నవ్వించే ఎంటర్ టైన్ మెంట్ లేదు. ఇలాంటి సినిమాల నుంచి ప్రేక్షకులు ఈ రెండింటిని ఎక్స్ ఫెక్ట్ చేస్తారు. ఆ ఎలిమెంట్స్ మిస్ అయితే సినిమా సాగతీసినట్టు ఉంటుందే తప్ప... ప్రేక్షకులు కథలో ఇన్ వాల్వ్ అవ్వలేరు. ఈ సినిమాకి ఇదే మైనస్ పాయింట్. సెకండాఫ్ లో కొన్ని సన్నివేశాలను ఎడిట్ చేస్తే, కనీసం సినిమా పాస్ట్ గా పూర్తయిపోయిందనే ఫీలింగ్ కలుగుతుంది. టీజర్స్, పోస్టర్స్, ట్రైలర్స్ ఈ సినిమాపై అంచనాలను పెంచాయి. ముఖ్యంగా సత్యరాజ్ గెటప్స్ ఆసక్తిని పెంచాయి. అయితే ఈ అంచనాలకు తగ్గట్టు సినిమా లేకపోవడం కూడా మైనస్ అవుతుంది.

ఫైనల్ గా చెప్పాలంటే... బ్రిటిష్, ఇండియన్ ఆత్మలు భయపెట్టలేదు సరికదా.. కనీసం నవ్వించలేకపోయాయి.